四日病假之一

12月16日

小肥請病假去剝牙

去剝智慧牙

擔心自己一個人應付唔到

所以叫左媽咪黎陪我

去到牙醫度

等五分鐘就入得去....

之後....

訓向病人床....

醫生：廖小姐，你今日咩事？

小肥：剝智慧牙...

醫生：係剝左上顎果隻智慧牙！

小肥：@@"

醫生隨即攞張X光片出黎

醫生：拿！我一陣就幫你剝呢隻牙，以後你就唔會成日發炎嫁喇！

小肥：哦！

醫生：你擘開口俾我望下？

小肥就照做...醫生用金屬唔知咩野黎攪我口腔, 但一點都唔痛

醫生：嘩！你又生飛滋喇！梗係智慧牙又唔小心咬到牙肉喇！

小肥想回應...但我張口俾醫生脅持住....

醫生：我而家就開始幫你剝牙.....

小肥：(搶住問)咁係咪要打麻醉針嫁？我驚痛呀！

醫生：唔駛驚....擘開口...大D....

之後就連打三針，三針都痛到入骨...

不過姑娘針針到拍下我，我估佢係安慰緊我...

之後醫生同姑娘都鬆哂手，但張床就升高緊....同埋叫我漱口

十秒左右，醫生又黎....

醫生：睇下得未先！

小肥：未得呀！我條脷仲有知覺....

醫生：等我試下....(我張口又被脅持住)

醫生向度攪我隻牙，D聲好似作開舊石頭咁

一路攪，一路問我痛唔痛

我都俾佢脅持住，都唔知點答

我知，body language嘛！唔叫即係唔痛囉...

醫生：我買左支新野，今次孝敬下你....

之後又用果支野孝敬左我一陣...就鬆開左

醫生：支新野果然係掂喎！

小肥竟然可以講野....

小肥：呢支咩黎嫁？

但醫生唔答我...

醫生：打開口..

之後姑娘捉住我個頭好似想我平衡咁

醫生就應該係拔我隻牙出黎

之後無耐我又FEEL到我咀唇好似有條線咁界一界我

我估係聯緊針

之後又聽到醫生叫姑娘小心D剪

之後俾左好少既液體叫我漱下口

然後塞2舊止血棉

咁就禮成！

全程唔駛十五分鐘

之後既一小時我都做左SASA...講不出聲

我連叫醫生寫假紙都要寫俾姑娘...

之後同媽媽溝通要靠我向手機度打字(我打字快過寫字！)

總結一下今次剝牙冇想像中咁痛苦...

可能係唔駛將隻牙鋸開啦！