高雄之旅：旗津島

體貼MOTEL問我地要唔要食早餐

UM..我地都係訓多陣，唔食喇！

結果當然又係訓到最盡

12點先閃！

於是向附近醫醫肚先！

其實我好想食麥當當既早餐嫁！(因為有一個早餐係香港冇嫁！)

但入到去先發覺而家已經唔係早餐時間...

咁就去左隔離果間食水餃同鍋貼

正常貨式啦！不過不失！

之後又打的去碼頭坐船去旗津

旗津其實好似長州咁！

不過只要坐十分鐘，所以D船係冇坐位(UM...零零丁丁有六個, 我地第一時間搶住黎坐！)

同埋機車(即係摩托車)都可以上船

隻船好鬼靚嫁！

去到之後就租車....

由於我都係唔係好咁楂電動車

但單車又怕攰

所以老公租一部, 我坐車尾

我覺得好浪漫呀！

途中唔覺意食左一個好味牛肉面

又向路邊攤食大大條魷魚！