牙之跟進

尋晚劉醫生向夜晚八點打電話黎....

劉：喂！唔該陳小肥小姐丫！

肥：我係！

劉：你好呀陳小姐，我係劉醫生呀！而家傾方便嘛？

肥：方便，請講丫！

劉：你張片我睇左喇，你左上最後果隻係智慧牙，佢頂住你D牙肉，所以你會成日牙肉發炎....

肥：哦~

劉：咁智慧牙前面果隻大牙就係之前補過銀粉但係而家甩左，所以要補番佢，另外你右下都有隻蛀牙，咁你睇下幾時最好一齊補埋佢啦！

肥：咁剝智慧牙之後要休息幾耐呀，咁我先知我幾時黎剝牙好...

劉：剝完牙之後起碼都有最少三日D牙肉會腫會唔舒服嫁！

肥：哦！咁好啦！我睇下邊日黎剝啦！

劉：好啦！咁我唔阻你喇！拜拜！

肥：拜拜！

~~~~~~~~~~~~~

嘩！我未見過咁和藹可親既醫生嫁！

佢俾我既印象咁好

希望到落刀果陣都係咁溫柔啦！